Palang Pintu, salah satu tradisi kesenian Betawi yang biasa ditampilkan pada saat acara pernikahan warga Betawi. Sebelum acara pernikahan/ijab qabul dimulai, biasanya rombongan pengantin laki-laki jalan kaki diarak dengan irigan musik rebana atau marawis mendatangi rumah pengantin perempuan yang berbeda kampung/ daerah terlebih dahulu. Namun di depan rumah pengantin perempuan (biasanya di depan gang) ada rintangan yang harus dihadapi oleh rombangan pengantin laki-laki, yaitu jawara/jagoan kampung setempat. Rombogan pengantin laki-laki baru diperbolehkan masuk ke rumah pengantin perempuan asalkan mampu mengalahkan jagoan kampung setempat. Tentu saja pihak pengantin laki-laki yang menang, karena bila kalah maka acara perkawinan batal. Para jawara dari pihak pengantin laki-laki maupun perempuan juga merupakan teman atau sudah saling mengenal, jadi jangan dikira pertarungan yang terjadi adalah sunguhan, alias bohong-bohongan.
Awal mulanya palang pintu adalah untuk mengetahui sejauh mana calon pengantin laki-laki menguasai ilmu beladiri yang berguna untuk melindungi istri dan keluarganya di kemudian hari kelak. Selain ilmu bela diri, kemampuan membaca ayat suci Al Qur’an (mengaji/ ngaji) juga menjadi poin penilaian calon mertua dalam memilih menantu, sehingga bisa menjadi tolok ukur sejauh mana tingkat ibadah dan ketaqwaanya calon pengantin laki-laki.
Namun seiring perkembangan jaman, baik peragaan jurus-jurus silat maupun mengaji sudah digantikan orang lain, alias bukan calon pengantin laki-laki sendiri yang melakukannya.
Palang pintu diawali aksi berbalas pantun dari pihak pengantin laki-laki maupun perempuan. Diawali dialog yang sopan. Masing-masing saling bertukar salam, masing-masing saling mendoakan. Sampai akhirnya pelan-pelan situasi memanas lantaran pihak pengantin perempun ingin menguji kesaktian dan juga kepandaian pihak pengantin laki-laki dalam ilmu beladiri dan mengaji.
berikut cuplikannya :
L = pihak pengantin laki-laki
P = pihak pengantin perempuan
P: Eh … bang-bang berenti, bang ….pade budeg ape luh…Eh… bang inih ape maksudnye nih …nyelonong di kampung orang, emangnye elu kagak tau kalo nih kampung ade yang punye ?
Eh… Bang, rumah gedongan rumah belande, pagarnya kawat tiangnya besi, gue kaga mao tau nih rombongan datengnye dari mane mau kemane, tapi lewat kampung gue kudu permisi.
L: Oh… jadi lewat kampung sini kudu permisi, bang.
P: Iye emangnye lu kate nih tegalan.
L: maapin aye bang, kalo kedatangan aye ama rombongan kage berkenan di ati sudare-sudare…Sebelomnye aye pengen ucapin dulu nih Bang…Assalamu’ alaikum.
P: Alaikum salam…
L: Begini bang…makan sekuteng di Pasar Jum’at, mampir dulu di Kramat Jati, aye dateng ama rombongan dengan segala hormat, mohon diterime dengan senang hati.
P: Oh … jadi lu udah niat dateng kemari…eh…Bang, kalo makan buah kenari…, jangan ditelen biji-bijinye…kalo lu udah niat dateng kemari…gue pengen tau ape hajatnye?…
L: Oh… jadi Abang pengen tau ape hajatnye…emang Abang kage di kasih tau ame tuan rumahnye…Bang, ade siang ade malem, ade bulan ade matahari, kalo bukan lantaran perawan yang di dalem, kaga bakalan nih laki gue anterin ke mari.
P: Oh… jadi lantaran perawan Abang kemari?…Eh… Bang, kage salah Abang beli lemari, tapi sayang kage ade kuncinye, kage salah abang datang kemari, tapi sayang tuh… perawan udeh ade yang punye.
L: Oh…jadi tuh perawan udeh ade yang punye, eh …Bang crukcuk kuburan cine, kuburan Islam aye nyang ngajiin, biar kate tuh perawan udeh ade yang punye, tetep aje nih laki yeng bakal jadiin.
P: …Jadi elu kaga ngerti ? pengen jadiin juga ? eh … bang kalo jalan lewat kemayoran, ati-ati jalannye licin, dari pada niat lu kage kesampaian, lu pilih mati ape lu batalin.
L: Oh… jadi abang bekeras nih…eh …Bang ibarat baju udah kepalang basah, masak nasi udah jadi bubur, biar kate aye mati berkalang tanah, setapak pun ga bakalan aye mundur.
P: Oh… jadi lu pade kaga mao mundur, ikan belut mati di tusuk, dalam kuali kudu masaknye, eh… nih palang pintu kage ijinin lu masuk, sebelum elu penuhin persaratannye
L: Oh…jadi kalo mao dapet perawan sini ade saratnye, Bang…?
P : Ade…, jadi pelayan aje ada saratnye… apa lagi perawan…
L: Kalo begitu… sebutin saratnye… Bang…
P: Lu pengen tau ape saratnye…kude lumping dari tangerang, kedipin mate cari
menantu, pasang kuping lu terang-terang, adepin dulu jagoan gue satu-persatu
L: Oh… jadi kalo mao dapet perawan sini saratnye kudu bekelai Bang…?
P: Iye … kalo lu takut, lu pulang…
L: bintang di langit seawan-awan, aye itungin beribu satu, berape banyak Abang punya jagoan, aye bakal adepin satu-persatu.
Adu Jurus
Setelah adegan di atas, pemain palang pintu biasanya melanjutkan dengan
jurus-jurus kembangan, jurus-jurus silat tangan kosong maupun jurus golok. Berikut adalah petikannya.
L: bang, lu tau dalemnye rawe, pasti lu tau kali semanan, kalo mau tau namenye jaware, nih lu liat gue punye maenan (jalanin jurusnye ). Nih ….baru kembangnye …. Bang…ntar buahnye…
P: Kelape ijo ditusuk belati, naek perahu lurus jalannye, udah banyak jago yang mati, nih jurus pukulannye (jalanin jurusnye)
kalo elu buahnye…
nih bijinye….
Adu Ngaji
Setelah memperagakan jurus-jurus silat tangan kosong ataupun jurus golok, lalu dilanjutkan dengan pertarungan para jawara, jagoan dari pihak pengantin lelaki keluar sebagai pemenang.
Perbincangan pun dilanjutkan kembali.
L: Gimane Bang…rase-rasenye jagoan Abang udeh pade rontok semua nih…
ape aye ame rombongan udah boleh masuk?…ape masih ade saratnye lagi Bang?…
P: Ntar dulu Bang, enak aje… pan lu tau…
buah cereme jangan diasinin
makan nasinye di kandang kude
sarat pertame emang lu udeh penuhin…
tapi masih ade sarat yang kedue…
L: Sebutin dah bang jangan lame-lame
P: Tukang lakse dagangnye malem
jalannya muter ke pasar kranji
gue minta elu jangan cume bise berantem
tapi gue pengen denger lu bise ngaji
L: Tumbuk ketan jadinye uli
ulinye juge kudu ditapein
betaun-taun anak kampung gue pade bisa ngaji
lagu yang Abang minta aye bawain
(baca sikeh)
Gimane Bang… soal berantem aye udah ladenin, soal ngaji abang udah dengerin
ape aye ame rombongan udah boleh masuk, ape masih ade saratnye lagi, Bang?…
P: Cukup-cukup dah Bang…rase-rasenye kage sie-sie aye bebesanan ame Abang
soal silat Abang jago…soal ngaji Abang bise…aye Cuma bisa bilang…
buah mangga bukan sembarang mangga
buahnye satu tulung petikin
aye bangga bukan sembarang bangga
mantu yang begini yang aye arep-arepin
ahlan wasahlan buat Abang ame rombongan…
Assalamu, alaikum…
Rombonagn pengantin laki-laki atau besan masuk kedalam rumah pengantin perempuan yang kembali diiringi musik rebana atau marawis untuk selanjutnya melakukan acara pernikahan/ijab qabul.
pantun dikutip dari berbagai sumber : jodhi yudono, silatindonesia@yahoogroups.com